Búgin elimizdegi 9 qalanyń aýasy lastanady
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
— 18 qazanda Qostanaı, Pavlodar, Qaraǵandy, Jezqazǵan, Balqash, Temirtaý, Aqtóbe, Almaty, Astana qalalarynda qolaısyz meteorologııalyq jaǵdaılar kútiledi, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, Shyǵys Qazaqstanda qarasha aıynda aýa raıy jaýyndy biraq jyly bolmaq.
Sondaı-aq Shyǵys Qazaqstan oblysynda ekologııalyq tekserýden soń 12 aýyldyq okrýg ákimi jazalandy. Buǵan deıin aımaqta ekologııalyq zańnama talaptaryn buzǵan ákimder jaýapqa tartyldy.
