Búgin elimizde eki orman órti tirkeldi
ASTANA. KAZINFORM – Búgin, 31 shildede elimizdiń memlekettik orman qory aýmaǵynda 2 orman órti tirkeldi.
Óńirler boıynsha:
* Qostanaı oblysy – 1 órt;
* «Semeı ormany» MOTR – 1 órt.
Órt oshaqtary RMQK «Qazavıaormanqorǵaý» qyzmetkerleriniń áýe patrýldeýi barysynda der kezinde anyqtaldy.
Jedel áreket etý jáne qajetti kúshter men quraldardy jumyldyrý nátıjesinde órtter qysqa merzimde oqshaýlanyp, tolyq sóndirildi.
Órtti sóndirýge RMQK «Qazavıaormanqorǵaý» áýe órt sóndirý qyzmeti men memlekettik orman kúzetiniń qyzmetkerleri qatysty.
– Birqatar óńirlerde aptap ystyqtyń saqtalýyna baılanysty órt qaýpiniń joǵary deńgeıi saqtalyp otyr. Osyǵan oraı tabıǵat aıasynda demalýshylar men orman paıdalanýshylardy órt qaýipsizdigi erejelerin qatań saqtaýǵa shaqyramyz, - delingen Ekologııa mınıstrligi habarlamasynda.
Aıta keteıik, Aqtóbede iri qurylys bazarynyń qoımasy órtendi.
