Búgin elimizde aýa sapasy tómendeıtin qalalardyń sany kúrt kóbeıdi
ASTANA. KAZINFORM – «Qazgıdromet» RMK elimizdegi aýa sapasyna qatysty boljamyn jarııalady.
– 22 qyrkúıekte Pavlodar, Oral, Aqtóbe, Taldyqorǵan, Almaty qalalarynda, sondaı-aq túnde Petropavl, Qostanaı, Kókshetaý, Óskemen, Semeı, Rıdder, Atyraý, Astana qalalarynda qolaısyz meteorologııalyq jaǵdaılar kútiledi, – delingen habarlamada.
Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, ekojúıelerdi qalpyna keltirý, parnıktik gazdardyń sińirilýin ulǵaıtý, kómirtek birlikterin qalyptastyrý maqsatynda elimiz 100 myń gektar jasandy orman qurý jobasyn bastaıdy.
Al Atyraýda aýa sapasynyń nasharlaýyna áser etetin negizgi faktorlar ataldy. Budan bólek, Óskemen qalasynda aýaǵa taraǵan úsh zııandy zattyń mólsheri shekti deńgeıden asyp ketkeni anyqtaldy.
Sondaı-aq Atyraýda aýa sapasynyń nasharlaýyna áser etetin negizgi faktorlardy myna jerden oqı alasyz.
