Búgin elimizde aýa sapasy nasharlaýy múmkin qalalar sany kúrt kóbeıdi

ASTANA. KAZINFORM – «Qazgıdromet» RMK elimizdegi aýa sapasyna qatysty boljamyn jarııalady.

aýa sapasy, ekologııa
Foto: Kazinform / JI

– 17 qarashada Kókshetaý, Pavlodar, Qaraǵandy, Temirtaý, Óskemen, Semeı, Atyraý, Aqtóbe, Taldyqorǵan, Almaty, Astana qalalarynda atmosferada lastaýshy zattardyń jınalýyna yqpal etetin meteorologııalyq jaǵdaılar kútiledi, – delingen habarlamada.

Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, Almatydaǵy City Run kezinde aýa sapasy tekserildi, nátıjesi qandaı bolǵanyn myna jerden oqı alasyz.

Al Soltústik Qazaqstan oblysynda ekologııalyq talaptardy oryndamaǵan 16 sýbekt ákimshilik jaýapkershilikke tartyldy.

Sondaı-aq 31,8 myń gektar jerden kóterilgen shań Atyraýǵa qaýip tóndirip otyrǵanyn jazdyq. Sońǵy jyldary mundaı jaǵdaı jıilep ketti. Shańnyń negizgi kózi – ósimdik jamylǵysy sıregen, tuzdanǵan jáne usaq dıspersti gıps aralasqan qurǵaq jer.