Búgin elimizde 5 orman órti tirkeldi
ASTANA. KAZINFORM — Búgin, 28 maýsymda elimizdiń memlekettik orman qory aýmaǵynda 5 orman órti tirkeldi. Bul týraly Ekologııa mınıstrligi habarlady.
Óńirler boıynsha:
• Aqmola oblysy – 1 órt;
• Almaty oblysy – 1 órt;
• «Semeı ormany» memlekettik orman tabıǵı rezervaty – 2 órt;
• «Ertis ormany» memlekettik orman tabıǵı rezervaty – 1 órt.
Órtti erte anyqtaý júıesi arqyly órt oshaqtary der kezinde anyqtalyp, jedel oqshaýlandy.
Orman kúzeti qyzmetkerleri men «Qazavıaormanqorǵaý» RMK mamandarynyń úılesimdi is-qımylynyń arqasynda órttiń taralýyna jol berilmeı, barlyǵy qysqa merzimde tolyq sóndirildi.
Órttiń basym kópshiliginiń shyǵý sebebi naızaǵaı razrıadtary ekeni anyqtaldy.
– Órt qaýipti kezeńde azamattardy órt qaýipsizdigi qaǵıdalaryn qatań saqtaýǵa jáne elimizdiń orman baılyǵyna uqypty qaraýǵa shaqyramyz, - delingen habarlamada.
Aıta keteıik, 27 maýsymda Qazaqstan memlekettik orman qory aýmaǵynda 3 orman órti tirkeldi.
