Búgin elimizde 10 orman órti tirkeldi
ASTANA.KAZINFORM – Búgin memlekettik orman qory aýmaǵynda 10 orman órti tirkeldi. Bul týraly Ekologııa mınıstrligi habarlady.
Óńirler boıynsha:
• Batys Qazaqstan oblysy – 1;
• Pavlodar oblysy – 1;
• «Semeı ormany» MOTR – 2;
• «Ertis ormany» MOTR – 6.
Órt oshaqtary «Kazavıaormanqorǵaý» RMQK-nyń áýe patrýldeýi men erte anyqtaý júıeleri arqyly der kezinde anyqtalyp, jedel áreket etý nátıjesinde tolyq sóndirildi.
Órtti sóndirýge memlekettik orman kúzeti, «Kazavıaormanqorǵaý» RMQK-nyń áýe órt sóndirý desanty, tikushaqtary jáne arnaıy tehnıkasy jumyldyryldy.
Aldyn ala málimet boıynsha, órtterdiń shyǵý sebebi – naızaǵaı razrıadtary.
- Qurmetti azamattar! Elimizdiń birqatar óńirinde órt qaýpi joǵary deńgeıde saqtalyp otyr. Orman alqaptaryna barǵan kezde órt qaýipsizdigi talaptaryn qatań saqtaýdy suraımyz, - delingen mınıstrlik habarlamasynda.
Atyraýdaǵy qamys órti 69 gektardy sharpyǵanyn jazǵan edik.
