Halyqtyq Konstıtýtsııany is júzinde júzege asyrýǵa baǵyttalǵan mańyzdy qadam – Erlan Qoshanov
ASTANA. KAZINFORM – Búgin Quryltaı depýtattarynyń saılaýynda Erlan Qoshanov ta óz tańdaýyn jasady.
- Qurmetti dostar! Búgin elimiz úshin tarıhı kún. Qazaqstandyqtar jańa Quryltaıdyń depýtattaryn saılap jatyr. Bul – jurtshylyqtyń keń qoldaýyna ıe bolǵan jańa Halyqtyq Konstıtýtsııany is júzinde júzege asyrýǵa baǵyttalǵan mańyzdy qadam. Memleket basshysy júrgizip otyrǵan aýqymdy reformalardyń zańdy nátıjesi, - dedi Erlan Qoshanov.
Sondaı-aq ol adamdar tańerteńnen bastap belsendi túrde daýys berip jatqanyn atap ótti. Saılaýǵa otbasylarymen birge kelip jatqandar kóp. Búkil elimiz boıynsha saılaýshylardyń belsendiligi joǵary bolady dep senemin.
- Barshańyzdy saılaý ýchaskelerine kelip, azamattyq paryzdaryńyzdy oryndaýǵa shaqyramyn. Qýatty, Ádiletti, Progressıvti Qazaqstandy birge quraıyq! - dedi ol.
Aıta keteıik, búgin elimizdiń barlyq óńirinde Quryltaı depýtattaryn saılaý júrip jatyr. Daýys berý 10 423 saılaý ýchaskesinde ótedi.
