Búgin eldiń úsh iri qalasynda aýa raıy qandaı bolady
ASTANA. KAZINFORM — Tótenshe jaǵdaılar mınıstrligi búgin elimizdiń úsh iri megapolısinde aýa raıy qandaı bolatyny týraly jarııalady.
Astanada kún ala bultty. Keı ýaqytta jańbyr jaýyp, naızaǵaı oınaıdy, kúndiz burshaq jaýýy múmkin. Jeldiń jyldamdyǵy 9-14 m/s, ekpini 20 m/s-qa deıin jetedi. Aýa temperatýrasy túnde +15...+17°C, kúndiz +26...+28°C.
Almatyda kún ala bultty. Túnde jańbyr jaýyp, naızaǵaı oınaıdy, kúndiz jaýyn-shashynsyz. Jeldiń jyldamdyǵy 3-8 m/s, keı ýaqytta ekpini 13 m/s-qa deıin jetedi. Aýa temperatýrasy túnde +15...+17°C, kúndiz +28...+30°C.
Shymkentte kún ala bultty, jaýyn-shashynsyz. Jeldiń jyldamdyǵy 8-13 m/s. Aýa temperatýrasy túnde +16...+18°C, kúndiz +33...+35°C.
Al keshe Qazgıdromet respýblıka boıynsha naızaǵaıly jańbyr jaýady, keı jerlerde burshaq pen ekpindi jel kútiletinin málim etti.
Soltústik, shyǵys, ońtústik-shyǵys jáne ortalyq óńirlerde nóser jaýyn bolýy múmkin, al ońtústik-batysta jaýyn-shashynsyz aýa raıy saqtalady. Sondaı-aq el aýmaǵynyń basym bóliginde jel kúsheıedi, al soltústik-batys, shyǵys jáne ońtústik-shyǵys aımaqtarda túngi jáne tańǵy ýaqytta tuman túsýi yqtımal.
