Búgin eldiń tórt oblysynda kún qatty ysıdy - Qazgıdromet
ASTANA. KAZINFORM – «Qazgıdromet» RMK-sy shildeniń 8-si kúngi kún raıy boljamyn jarııalady.
Kásiporyn taratqan derekterge qaraǵanda, Qazaqstan aýmaǵynyń basym bóliginde atmosferalyq aǵyndardyń ótýine oraı naızaǵaı oınap, burshaq jaýady jáne daýyl turady, jańbyr jaýady, eldiń soltústiginde, ortalyǵynda, shyǵysynda, ońtústik-shyǵysynda qatty jańbyr jaýady. Respýblıka boıynsha jeldiń kúsheıýi kútiledi, ortalyqta túnde jáne tańerteń tuman túsedi.
Kúndiz Batys Qazaqstan, Atyraý, Mańǵystaý oblystarynda, Aqtóbe oblysynyń batysynda qatty ystyq saqtalady.
Atyraý oblysynyń soltústiginde, ortalyǵynda, Batys Qazaqstan oblysynyń soltústiginde, batysynda, ońtústiginde, Aqtóbe oblysynyń ońtústiginde órt qaýpi joǵary bolady.
Túrkistan, Qyzylorda, Jambyl, Mańǵystaý oblystarynda, Ulytaý oblysynda, Qostanaıdyń ońtústiginde, Atyraý oblysynyń ońtústik-batysynda, ońtústik-shyǵysynda tótenshe órt qaýpi saqtalady.
