Búgin eldiń biraz óńiri jaýyn-shashynsyz bolady

ASTANA. KAZINFORM — Qazgıdromet 18 qarasha kúngi aýa raıy boljamyn jarııalady.

Qazaqstan aýmaǵyndaǵy antıtsıklonnyń áserinen jaýyn-shashynsyz aýa-raıy saqtalady. Tek elimizdiń batysynda jańbyr, qar jaýýy múmkin.

Elimizdiń biraz aımaǵynda tuman túsip, soltústikte, shyǵysta, ońtústik-shyǵysta jel kúsheıedi. Sondaı-aq shyǵys óńirlerde aıaz bolady. 

Astana qalasynda aýa temperatýrasy +5+7 gradýsty kórsetedi. 

Almatyda +12+14 gradýsqa deıin kún jyly. Shymkent qalasynda da kún ashyq. Termometr +19+21°C-di kórsetedi. 

Aıta keteıik, bıyl elimizdiń basym bóliginde qys mezgili qońyrjaı jyly bolady.