Búgin eldiń biraz aýmaǵynda jańbyr jaýady

ASTANA. KAZINFORM — «Qazgıdromet» RMK 29 qazan kúngi aýa raıy boljamyn jarııalady.

Antıtsklon jotasy Qazaqstannyń soltústiginde, shyǵysynda jáne ortalyǵynda jaýyn-shashynsyz aýa-raıyn saqtaıdy.

Eldiń qalǵan aýmaǵynda soltústik-batys tsıklonynyń jáne onymen baılanysty atmosferalyq frontaldy bólimderdiń yqpalymen jańbyr jaýady.

Sınoptıkterdiń boljaýynsha, batysta jańbyr quıyp, túngi ýaqytta ońtústik-shyǵystyń taýly aımaqtarynda jańbyr aralas qar jaýady. 

Respýblıka boıynsha tuman túsip, eldiń ońtústik-batysynda, ońtústiginde, ońtústik-shyǵysynda jel kúsheıýi múmkin.

Astanada kóshpeli bult bolady, kún raıy jaýyn-shashynsyz. Aýa temperatýrasy túnde -2°S-tan -4°C-qa deıin, kúndiz +11°C-den +13°C-qa deıin kóteriledi. 

Al Almatyda azdaǵan jańbyr jaýady. Túnde +7°C +9°C, kúndiz +15°C-den +17 gradýsqa deıin jyly bolady. 

Shymkent qalasynda jańbyr jaýyp, naızaǵaı oınaıdy. Aýa temperatýrasy túnde +9°S-tan +11°C-qa deıin, kúndiz +19°C-den +21°C-qa deıin bolady.

Tarazda naızaǵaı oınap, jaýyn jaýady. Aýa temperatýrasy +15+17°C-di kórsetedi. 

Qyzylordada kún bultty, kúndiz +17+19°C-qa deıin bolady. 

Aıta keteıik, búgin elimizdiń 11 qalasynda aýa sapasy nasharlaıdy.