Búgin eldiń basym bóliginde jaýyn, qar jaýady – Qazgıdromet

«Qazgıdromet» RMK-sy qańtardyń 4-i kúngi kún raıy boljamyn jarııalady, dep habarlaıdy Kazinform.

Kásiporyn taratqan málimetterge qaraǵanda, atlantıkalyq tsıklon jáne onymen baılanysty atmosferalyq aǵyndar eldegi aýa raıyna áser etedi, osyǵan qaraı kún qubylmaly bolady.

Eldiń basym bóligine jaýyn jaýady (kóbinese qar). Tek eldiń ońtústiginde, ońtústik-shyǵysynda antıtsıklonnyń áserinen kún jaýyn-shashynsyz bolady. Qazaqstan boıynsha tuman túsip, kóktaıǵaq, boran soǵyp, ekpindi jel turady.