Búgin eldiń basym bóliginde naızaǵaı oınap, jańbyr jaýady - Qazgıdromet

ASTANA. KAZINFORM – «Qazgıdromet» RMK-sy sáýirdiń 27-si kúngi kún raıy boljamyn jarııalady.

Kásiporynnyń boljamyna qaraǵanda, sáýirdiń 27-i kúni Qazaqstannyń basym bóligine Batys tsıklony áser etip, naızaǵaı oınap, jańbyr jaýady.

Eldiń soltústiginde, batysynda – qatty jańbyr jaýady, batysynda, soltústiginde, ortalyǵynda burshaq jaýýy múmkin. Respýblıka boıynsha jeldiń kúsheıip, ońtústikte shańdy daýyl turady, ońtústik shyǵysta túngi jáne tańǵy saǵattarda tuman túsedi.

Túnde Shyǵys Qazaqstan oblysynyń soltústiginde, shyǵysynda 1 gradýs úsik júredi.

Qyzylorda oblysynda, Túrkistan oblysynyń soltústiginde, batysynda, ortalyǵynda jáne taýly aýdandarynda, Mańǵystaý oblysynyń soltústik-shyǵysynda, shyǵysynda órt qaýipi saqtalady saqtalady. Jambyl oblysynyń soltústik-batysynda, Aqtóbe oblysynyń ońtústiginde joǵary órt qaýpi saqtalady.

SQO-da sınoptıkter kóktem men jaz mezgiline arnalǵan aýa raıy boljamyn jasady.