Búgin eldegi qandaı avtojoldar jabyq jáne shekteý bar

«QazAvtoJol» ulttyq kompanııasynyń málimetinshe, 23 qazan saǵat 08:00–degi jaǵdaı boıynsha shekteýler Aqmola, Qaraǵandy jáne Shyǵys Qazaqstan oblystarynda, sondaı-aq Abaı oblysynda qoldanylǵan.

Aqmola oblysy

— «Astana — Qaraǵandy — Almaty» avtojolynyń 30–92 shaqyrymynda (Jibek Joly APP — Qaraǵandy oblysynyń shekarasy) jazǵy dóńgelekpen júrgen avtokólikterdiń barlyq túri úshin qozǵalysqa shekteý engizildi.

Qaraǵandy oblysy

— «Astana — Qaraǵandy — Almaty» avtojolynyń 92–164 shaqyrymynda (Aqmola oblysynyń shekarasy — Temirtaý APP) jazǵy dóńgelekpen júrgen avtokólikterdiń barlyq túri úshin qozǵalysqa shekteý engizildi;

— «Qaraǵandy — Aıagóz — Tarbaǵataı — Buǵaz» avtojolynyń 60–265 shaqyrymynda (Botaqara kenti — Baqty kenti) shekteý bar.

Shyǵys Qazaqstan oblysy

— «Óskemen — Rıdder — RF shekarasy» avtojolynyń 15–105 shaqyrymynda (Beloýsovka kenti — Rıdder qalasy) tirkemesi men jartylaı tirkemesi bar júk kólikterine, sondaı-aq jazǵy dóńgelekpen júrgen barlyq avtokólik túrine shekteý engizildi;

— «Almaty — Taldyqorǵan — Óskemen — Shemonaıha — RF shekarasy» avtojolynyń 1089–1191 shaqyrymynda (Óskemen qalasy — Shemonaıha qalasy) jazǵy dóńgelekpen júrgen barlyq avtokólik túri úshin qozǵalys shekteldi;

— «Almaty — Taldyqorǵan — Óskemen — Shemonaıha — RF shekarasy» avtojolynyń 1194–1212 shaqyrymynda (Shemonaıha qalasy — RF shekarasy) jazǵy dóńgelekpen júrgen barlyq avtokólik túri úshin shekteý engizildi;

— «Óskemen — Altaı — Úlken Naryn — Katonqaraǵaı — Rahman qaınarlary» avtojolynyń 7–166 shaqyrymynda (Ýshanovskoe aýyly — Altaı qalasy) júk kólikteri men jazǵy dóńgelekpen júrgen avtokólikter úshin qozǵalys shekteldi;

— «Óskemen — Altaı — Katonqaraǵaı — Rahman qaınarlary» avtojolynyń 437–450 shaqyrymynda (Qaraaıryq aýyly — «Rahman qaınarlary» sanatorııi) ortasha jóndeý jumystaryna baılanysty avtokóliktiń barlyq túri úshin qozǵalysqa shekteý engizildi.

Abaı oblysy

— «Almaty — Taldyqorǵan — Óskemen — Shemonaıha — RF shekarasy» avtojolynyń 971–1013 shaqyrymynda (Qalbataý aýyly — Shyǵys Qazaqstan oblysynyń shekarasy) jazǵy dóńgelekpen júrgen avtokólikterdiń barlyq túri úshin shekteý engizildi;

— «Óskemen — Semeı» avtojolynyń 103–198 shaqyrymynda (Shyǵys Qazaqstan oblysynyń shekarasy — Semeı qalasy) shekteý qoldanysta.

Boljam boıynsha túnde jáne tańerteń Aqmola, Almaty, Pavlodar, Qaraǵandy, Soltústik Qazaqstan jáne Shyǵys Qazaqstan oblystarynda, sondaı-aq Abaı men Jetisý oblystarynda jańbyrdyń arty qarǵa ulasyp, jaýyn-shashyn kútiledi. Keı jerlerde kóktaıǵaq bolýy múmkin.

Júrgizýshilerge jyldamdyq rejımi men araqashyqtyqty saqtaý, baǵytty josparlaý kezinde aýa raıy jaǵdaılaryn eskerý jáne múmkindiginshe shuǵyl qajettilik bolmasa, uzaq jolǵa shyqpaýǵa keńes berildi.

Eske salaıyq, buǵan deıin «Qazgıdromet» RMK 2026 jylǵy 22–24 qazanǵa arnalǵan Qazaqstan aýmaǵy boıynsha aýa raıy boljamyn jarııa etti. Sınoptıkter aldaǵy úsh kúnde aıaz batystan bastalyp, ońtústikke qaraı jyljıtynyn aıtty.