Búgin el kitaphanalarynda «Kitaphana túni» aktsııasy ótedi
ASTANA. KAZINFORM – Ulttyq kitap kúnine oraı uıymdastyrylǵan kitap aptalyǵy aıasynda búgin el kitaphanalarynda «Kitaphana túni» aktsııasy ótedi.
Kitap aptalyǵynyń besinshi kúni aıasynda kitaphanalarda kvest-oıyndar, vernısajdar, zııatkerlik saıystar, shyǵarmashylyq kezdesýler, poezııa keshteri men túrli ınteraktıvti baǵdarlamalar uıymdastyrylady.
– Bul bastama kitaphanalardy tek oqý orny emes, zamanaýı mádenı-tanymdyq keńistik retinde damytýǵa baǵyttalǵan. Aktsııa aıasynda oqyrmandar úshin jańa formattaǵy sharalar usynylyp, kitap oqýǵa qyzyǵýshylyqty arttyrý kózdelip otyr, – delingen habarlamada.
Aımaqtarda da túrli formattaǵy is-sharalar ótedi. Almatyda «Aıqas» zııatkerlik oıyny uıymdastyrylsa, Astanada «Kitaphanadaǵy túngi vibe» baǵdarlamasy ótkiziledi. Batys Qazaqstan oblysynda balalar men jasóspirimderge arnalǵan arnaıy baǵdarlama usynylady.
Jambyl oblysynda «Túngi kitap álemine saıahat» atty tanymdyq is-shara ótse, Túrkistan oblysynda aqyn Asylzat Arystanbek pen kompozıtor Janar Bolatbekovanyń qatysýymen poezııa keshi josparlanǵan.
Aıta keteıik, Qazaqstanda Kitaphanashylar men Ulttyq kitap kúni 23 sáýirde birge atap ótiledi.
