Búgin el aýmaǵynda jel turyp, shańdy daýyl soǵady — Qazgıdromet

ASTANA. KAZINFORM — «Qazgıdromet» RMK el aýmaǵynda 29 maýsymda bolatyn qaýipti meteorologııalyq qubylystarǵa boljam jasady.

Aldaǵy táýlikte Qazaqstan aýmaǵynda aýa raıynda aıtarlyqtaı ózgerister kútilmeıdi: jańbyr jaýady, soltústik-batysta, soltústikte qatty jańbyr jaýady. Naızaǵaı, burshaq, daýyl kútiledi. Tek QR ońtústigi men shyǵysynda jaýyn-shashynsyz aýa raıy saqtalady. Respýblıka boıynsha jel kúsheıedi, ońtústiginde shańdy daýyl boljanady.

«Kúndiz Abaı, Jetisý, Almaty, Pavlodar, Jambyl, Shyǵys Qazaqstan oblystarynda qatty ystyq bolady.

Almaty oblysynyń soltústiginde, ortalyǵynda, Jetisý oblysynyń soltústiginde, Abaı oblysynyń ońtústiginde óte qatty ystyq saqtalady.

Qaraǵandy, Pavlodar, Abaı, Jetisý oblystarynda, Ulytaý oblysynyń soltústiginde, shyǵysynda, Aqmola oblysynyń batysynda, ońtústiginde, Shyǵys Qazaqstan oblysynyń ońtústiginde, Mańǵystaý oblysynyń batysynda joǵary órt qaýpi saqtalady, Aqmola oblysynyń shyǵysynda joǵary órt qaýpi bolady kútiledi», — dep jazdy sınoptıkter.

Túrkistan, Jambyl, Qyzylorda, Almaty, Ulytaý oblystarynda, Mańǵystaý oblysynyń soltústiginde, Qostanaı oblysynyń ońtústiginde, Qaraǵandy oblysynyń ońtústiginde, batysynda, Abaı oblysynyń ońtústiginde, Jetisý oblysynyń soltústiginde, shyǵysynda, Atyraý oblysynyń batysynda, ońtústik-shyǵysynda tótenshe órt qaýpi saqtalady.