Búgin el aýmaǵynda jel kúsheıip, jańbyr jaýady - Qazgıdromet

ASTANA. KAZINFORM — «Qazgıdromet» RMK el aýmaǵynda 5 maýsymda bolatyn qaýipti meteorologııalyq qubylystarǵa boljam jasady. 

Atmosferalyq fronttardyń ótýimen QR aýmaǵynyń basym bóliginde turaqsyz aýa raıy saqtalady, naızaǵaı oınap, ótkinshi jańbyr jaýady. Kúndiz soltústikte burshaq bolady. Túnde jáne tańerteń eldiń soltústiginde, shyǵysynda tuman bolýy múmkin. Tek eldiń soltústik-shyǵysynda, ońtústiginde, ońtústik-batysynda jaýyn-shashynsyz aýa raıy kútiledi. Respýblıka boıynsha jel kúsheıedi.

«Batys Qazaqstan, Qyzylorda, Mańǵystaý, Atyraý, Túrkistan, Jambyl, Qostanaı oblystarynyń ońtústiginde, Aqtóbe oblysynyń batysynda, ońtústiginde, Qaraǵandy oblysy men Ulytaý oblysynyń ońtústiginde, Jetisý oblysnyń soltústiginde, shyǵysynda, Almaty oblysynyń soltústiginde, ortalyǵynda joǵary órt qaýipi saqtalady», — dep jazdy sınoptıkter.

Túrkistan oblysynyń shóldi aýdandarynda, Atyraýdyń batysynda, ońtústiginde, Qyzylorda oblysynyń shyǵysynda, batysynda, Batys Qazaqstan oblysynyń ońtústiginde tótenshe órt qaýipi saqtalady.