Búgin el aýmaǵynda jel kúsheıip, tuman túsedi

ASTANA. KAZINFORM — Qazgıdromet RMK el aýmaǵynda 14 aqpanda bolatyn qaýipti meteorologııalyq qubylystarǵa boljam jasady.

Derekke qaraǵanda, atmosferalyq fronttardyń ótýine baılanysty elimizdiń soltústiginde, shyǵysynda qar jaýyp, burqasyn kútiledi, ońtústiginde jaýyn-shashyn (jańbyr, qar) jaýady.

- Tek elimizdiń batysynda, soltústik-batysynda, ońtústik-shyǵysynda jaýyn-shashynsyz aýa-raıy saqtalady. Respýblıka boıynsha jeldiń kúsheıýi, tuman, ońtústiginde, ortalyǵynda – kóktaıǵaq bolady, - dep jazdy sınoptıkter.

Buǵan deıin sınoptıkter búgingi aýa raıyna baılanysty 17 oblys pen 3 megapolıstiń turǵyndaryna eskertý jasaǵan.