Búgin el aýmaǵynda jel kúsheıip, daýyl soǵady - Qazgıdromet
ASTANA. KAZINFORM — «Qazgıdromet» RMK el aýmaǵynda 10 mamyrda bolatyn qaýipti meteorologııalyq qubylystarǵa boljam jasady.
Derekke qaraǵanda, ońtústik tsıklony jáne onymen baılanysqan atmosferalyq frontaldy bólikter Qazaqstan terrıtorııasymen jyljı otyryp, ózimen birge naızaǵaı, burshaq pen jańbyr alyp keledi. Sonymen qatar jeldiń kúsheıip, elimizdiń soltústigi, shyǵysy men ońtústik-shyǵysynyń taýly aýdandarynda qatty jańbyr jaýady.
- Qyzylorda, Jambyl, Túrkistan, Mańǵystaý, Qaraǵandy, Abaı, Jetisý oblystarynda, Almaty oblysynyń soltústigi men ortalyǵynda, Atyraý oblysynyń ońtústik-batysynda, Batys Qazaqstan oblysynyń batysynda, Aqtóbe, Pavlodar oblystarynyń ońtúsgigi, ońtústik-shyǵysy, batysynda, Qostanaı oblysynyń ońtústiginde, Shyǵys Qazaqstan oblysynyń soltústik-batysy men ońtústiginde, Aqmola oblysynyń batysy, ońtústigi men shyǵysynda joǵary órt qaýpi kútiledi, - dep jazdy sınoptıkter.
Túrkistan oblysynyń batysynda, shóldi aýdandarynda, Qyzylorda oblysynyń shyǵysynda, ortalyǵynda, Jambyl oblysynyń batysy men ortalyǵynda, Jetisý oblysynyń batysynda tótenshe órt qaýipi saqtalady.
Aıta keteıik, búgin Qazaqstannyń 16 oblysy men Astanada naızaǵaı oınap, burshaq jaýady