Búgin el aýmaǵynda tuman túsip, jel kúsheıedi

ASTANA. KAZINFORM — «Qazgıdromet» RMK mamandary el aýmaǵynda 2024 jylǵy 3 qańtarda bolatyn qaýipti meteorologııalyq qubylystarǵa boljam jasady.

Derekke qaraǵanda, Skandınavııa túbegi aýdandarynandaǵy tsıklonnyń áserinen eldiń basym bóliginde aýa raıynyń turaqsyz sıpaty saqtalady. 

- Jaýyn-shashyn (jańbyr, qar) kútiledi, túnde respýblıkanyń shyǵysynda qatty qar jaýady. Eldiń ońtústik-batysynda ǵana jaýyn-shashynsyz aýa raıy saqtalady. Respýblıka boıynsha tuman túsip, kóktaıǵaq bolady, boran men jel kúsheıedi, - dep jazdy sınoptıkter.

Aqmola, Soltústik Qazaqstan oblystarynyń batysynda, soltústiginde, shyǵysynda, Pavlodar oblysynyń batysynda, soltústiginde, Qostanaı oblysynyń shyǵysynda, ońtústiginde 30 m/s jáne odan da asa qatty jel kútiledi.

Aıta keteıik, buǵan deıin Qazaqstannyń 11 oblysynda daýyldy eskertý jarııalandy.