Búgin el aýmaǵynda tuman túsip, kóktaıǵaq bolady
ASTANA. KAZINFORM – Qazgıdromet el aýmaǵynda 3 naýryzda bolatyn qaýipti meteorologııalyq qubylystarǵa boljam jasady.
Derekke qaraǵanda, atmosferalyq fronttardyń ótýimen eldiń basym bóliginde aýa raıynyń turaqsyz sıpaty saqtalady, qar jaýady.
- QR ońtústiginde jaýyn-shashyn túsedi, jańbyr men qar jaýady. Respýblıka boıynsha tuman, kóktaıǵaq bolady. Soltústik-batysta, ońtústik-shyǵysta, ortalyqta - jaıaý burqasyn, ońtústikte, ońtústik-shyǵysta, shyǵysta, ortalyqta jeldiń kúsheıýi kútiledi, - dep jazdy sınoptıkter.
Aıta keteıik, Óskemende qolaısyz meteorologııalyq jaǵdaı qalyptasqanyna jarty aı bolady.
