Búgin el aýmaǵynda 2 orman órti tirkeldi
ASTANA. KAZINFORM — 25 shildede respýblıka boıynsha memlekettik orman qory aýmaǵynda 2 orman órti tirkeldi. Bul týraly Ekologııa jáne tabıǵı resýrstar mınıstrligi málim etti.
Batys Qazaqstan oblysynda tirkelgen órt oshaqtary jergilikti turǵyndardyń habarlamalary negizinde anyqtalyp, memlekettik orman kúzetiniń qyzmetkerleri oqıǵa ornyna jedel shyqty.
Qazirgi ýaqytta orman sharýashylyqtarynyń qyzmetkerleri men qajetti tehnıka jumyldyrylyp, órtterdi oqshaýlaý jáne tolyq sóndirý jumystary júrgizilgen.
— Órt qaýipti kezeńde azamattardy tabıǵat aıasynda demalý kezinde jáne orman paıdalanýshylardy órt qaýipsizdigi talaptaryn qatań saqtaýǵa shaqyramyz, — delingen habarlamada.
Buǵan deıin elimizdiń orman qorynda bir táýlikte úsh órt oqıǵasy tirkelgenin jazdyq.
