Búgin eki qalada aýa sapasy nasharlaıdy
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
— 6 qazanda qolaısyz meteorologııalyq jaǵdaılar Almaty qalasynda jáne túnde Atyraý qalasynda kútiledi, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, Almatyda 2040 jylǵa deıin ekologııaǵa áser etetin 276 kásiporyn qaladan shyǵarylady.
Buǵan deıin ekologııalyq talaptardy saqtamaǵan Atyraýdaǵy kompanııaǵa 1,4 mlrd teńge aıyppul salyndy.
Al Shyǵys Qazaqstan oblysynyń mamandandyrylǵan tabıǵat qorǵaý prokýratýrasy ekologııa zańnamasyn buzǵan kásiporynǵa 100 mln teńgeden astam aıyppul saldy.
