Búgin eki qalada aýa sapasy nasharlaıdy

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.

— 2025 jyldyń 7 qarashasynda Atyraý jáne Almaty qalalarynda qolaısyz meteorologııalyq jaǵdaı boljanǵan, — delingen aqparatta. 

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, búgin elimizdiń biraz aımaǵynda kóktaıǵaq, boran bolyp, tuman túsedi.