Búgin eki qalada aýa sapasy nasharlaıdy
ASTANA. KAZINFORM — 12 sáýirde elimizdiń basym bóliginde meteorologııalyq jaǵdaı qolaıly bolady, dep habarlady «Qazgıdromet» RMK.
Sınoptıkterdiń málimetinshe, tek Astana jáne Atyraý qalalarynda aýa sapasy birshama nasharlaıdy.
Qolaısyz meteorologııalyq jaǵdaı — atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
