Búgin dzıýdodan Álem chempıonatynda Ǵusman Qyrǵyzbaev el namysyn qorǵaıdy

ASTANA. KAZINFORM - Majarstan astanasy Býdapeshtte ótip jatqan dzıýdodan Álem chempıonatynda Qazaqstan quramasynan búgin Ǵusman Qyrǵyzbaev (66 keli) el namysyn qorǵaıdy.

Otandasymyz óziniń alǵashqy beldesýinde Martın Setts (Germanııa) men Tszyıan Sıýe (Qytaı) jubynyń jeńimpazymen kezdesedi. 

Ǵusman Qyrǵyzbaev 1992 jyly dúnıege kelgen. 2021 jylǵy álem chempıonatynyń kúmis júldegeri, 2019 jáne 2022 jyldary ótken Azııa birinshilikteriniń qola medal ıegeri boldy.

2024 jyly Parıj Olımpıadasynda úzdik úshtikti túıindedi.

Qazirge deıin álem chempıonatynda el quramasynan Ábıba Ábýjaqynova (48 keli) kúmis júldeger atansa, Maǵjan Shamshadın (60 keli), Sherzod Davlatov (60 keli), Ǵalııa Tynbaeva (48 keli) jarysty erte aıaqtady. 

Endi el quramasynan 15 maýsymda Eset Qýanov (72 keli), 16 maýsymda Esmıgúl Kýıýlova (63 keli), Abylaıhan Jubanazar (81 keli), 17 maýsymda Meıirlan Maksım (90 keli) saıysqa túsedi.

Sondaı-aq 18 maýsymda Nurlyhan Sharhan (100 keli) jáne Marat Baıkamýrov (100 keli), 19 maýsymda Erasyl Qajybaev (100 keliden joǵary) júldeni sarapqa salady.

Dzıýdodan álem chempıonaty 13-20 maýsym aralyǵynda ótedi. Onda 92 elden kelgen 566 sportshy 14 salmaqta júldege talasady.