Búgin de Jetisý men Shyǵys Qazaqstan oblystarynda qatty aıaz saqtalady

ASTANA. KAZINFORM - Qazgıdromet el aýmaǵynda 20 aqpanda bolatyn qaýipti meteorologııalyq qubylystarǵa boljam jasady. 

Sınoptıkterdiń málimetinshe, respýblıkanyń basym bóliginde jaýyn-shashynsyz aıazdy aýa raıy saqtalady.

«Tek eldiń batysynda, ońtústiginde, ońtústik-shyǵysynda atmosferalyq frontaldy bólimderdiń ótýimen qarly burqasyn men qar jaýady. Ońtústikte, ońtústik-shyǵysta, ortalyqta-jeldiń kúsheıýi kútiledi, eldiń batysynda, ońtústiginde, ońtústik-shyǵysynda-tuman túsedi», — dep jazdy vedomstvodan.

Jetisý oblysynda 30-35 gradýs, Shyǵys Qazaqstan oblysynyń soltústiginde, shyǵysynda 45 gradýs qatty aıaz bolady.