Chempıondar lıgasynyń jalpy kezeńi bastalady

ASTANA. KAZINFORM - Búgin UEFA Chempıondar lıgasy jalpy kezeńinde alǵashqy týrdyń oıyndary ótkiziledi.

Atalǵan týrnırde bıyl alǵash ret 36 komanda oınaıdy. Komandalar jańadan ázirlengen nusqa boıynsha saıysqa túsedi. Bul kúni Anglııanyń «Lıverpýl» komandasy syrt alańda Italııanyń «Mılan» klýbymen sheberlik baıqasady. Kezdesý qazaqstandyq ýaqytpen 23:50-de bastalyp, «Qazsport» telearnasynan tikeleı efırde kórsetiledi.

Eki komanda qazirge deıin alty márte kezdesken edi. Onyń 5-i «Lıverpýl» komandasynyń basymdyǵymen aıaqtaldy. Cońǵy tórt oıynda anglııalyq klýb jeńiske jetip keledi. Sondaı-aq búgin taǵy bir kezdesý «ıÝventýs» (Italııa) pen PSV (Nıderland) arasynda belgilengen.

Bul oıyndy jankúıerler qazaqstandyq ýaqytpen 21:35-te «Qazsport» telearnasynan kórýge bolady. Uzaq jyldan beri ıtalııalyq klýb basty týrnırdiń jeńimpazy bola almaı júr. Sondyqtan bıyl sol bıikten kórinýge kúsh sala ma? Ony búgingi oıyn barysynda anyqtaıtyn bolamyz.

Aıta ketsek, búgin «ıAng Boız» (Shveıtsarııa) ben «Aston Vılla» (Anglııa), «Sportıng Lıssabon» (Portýgalııa) men «Lıll» (Frantsııa), «Bavarııa» (Germanııa) men «Dınamo Zagreb» (Horvatııa), «Real Madrıd» (Ispanııa) pen «Shtýtgart» (Germanııa) oınaıdy.