Búgin birneshe qalada aýa sapasy tómendeıdi

ASTANA. KAZINFORM — «Qazgıdromet» RMK búgin elimizdiń 9 qalasynda aýa sapasy nasharlaıtynyn habarlady.

— 2025 jylǵy 8 qazanda Qaraǵandy, Jezqazǵan, Balqash, Temirtaý, Óskemen, Aqtóbe, Almaty, Astana qalalarynda, túnde Qostanaıda qolaısyz aýa raıy kútiledi, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldi mekenderdegi atmosferalyq aýanyń sapasy nasharlaýy yqtımal.

Aıta keteıik, sınoptıkter aýa raıyna baılanysty birqatar óńirde eskertý jarııalady.