Búgin biraz óńirde kún kúrkirep, jańbyr jaýady
ASTANA. KAZINFORM — «Qazgıdromet» RMK 27 qyrkúıekke arnalǵan aýa raıy boljamyn jarııalady.
Sınoptıkterdiń málimetinshe, antıtsıklon silemi elimizdiń shyǵysy men ortalyǵynda jaýyn-shashynsyz aýa raıyn saqtaıdy. Respýblıkanyń qalǵan aýmaǵynda jańbyr jaýyp, naızaǵaı oınaıdy. Soltústikte qatty jańbyr jaýyp, aýa temperatýrasy tómendeıdi. Barlyq óńirde jel kúsheıedi, túnde jáne tańerteń tuman túsedi. Soltústiktiń keıbir bólikterinde burshaq jaýýy múmkin.
Batys Qazaqstannyń soltústiginde, Pavlodardyń shyǵysynda, Atyraýdyń soltústik-shyǵysynda, Mańǵystaýdyń ońtústik-shyǵysynda, Aqtóbe oblystarynyń ońtústiginde joǵary órt qaýpi saqtalady.
Túrkistan, Qyzylorda oblystarynda, Atyraýdyń soltústiginde, ońtústiginde, shyǵysynda, batysynda, soltústiginde tótenshe órt qaýpi kútiledi.
Sondaı-aq Jambyl oblysynyń ortalyǵynda, Batys Qazaqstannyń batysynda, ońtústiginde, shyǵysynda, batysynda, soltústiginde, soltústik-shyǵysynda da tótenshe órt qaýpi bar.
Aqtóbe qalasynyń ortalyǵynda, Almatynyń soltústiginde, Qaraǵandy, Qostanaı oblystarynyń ońtústiginde tótenshe órt qaýpi boljanǵan.