Búgin bir qalada aýa sapasy tómendeıdi

ASTANA. KAZINFORM — «Qazgıdromet» RMK Qazaqstan qalalaryndaǵy aýa sapasyna qatysty boljamyn jarııalady. 

– 2025 jylǵy 29 shildede túnde Atyraý qalasynda qolaısyz meteorologııalyq jaǵdaılar kútiledi, - delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, aıdyń sońǵy kúnderinde el aýmaǵyndaǵy aýa raıy jaǵdaıyna keń aýqymdy tsıklon jáne onymen baılanysty atmosferalyq fronttar áser etedi.