Búgin bes oblysta úsik júrýi múmkin - Qazgıdromet
ASTANA. KAZINFORM — «Qazgıdromet» RMK el aýmaǵynda 13 sáýirde bolatyn qaýipti meteorologııalyq qubylystarǵa boljam jasady.
Derekterge qaraǵanda, atmosferalyq frontaldy bólikter Qazaqstannyń soltústigi, ortalyǵy men ońtústiginde óz áserin saqtaıtyn bolady.
- Naızaǵaı oınap, jańbyr jaýady, kúndiz eldiń soltústigi men ortalyǵynda qatty jańbyr jaýady. Respýblıkanyń qalǵan aýmaǵynda jaýyn-shashynsyz aýa raıy boljanady. QR boıynsha jeldiń kúsheıýi, tuman, ońtústiginde daýyl, shańdy daýyl, soltústigi men ortalyǵynda burshaq kútiledi, - delingen aqparatta.
Túnde Batys Qazaqstan oblysynyń batysy men soltústiginde, Aqtóbe oblysynyń soltústiginde, Qostanaı, Aqmola, Soltústik Qazaqstan oblystarynyń batysynda 3 gradýs úsik júrýi múmkin.
Buǵan deıin elimizdiń 14 óńiri men Astanada daýyldy eskertý jarııalandy.