Búgin bes oblysta 35-37 gradýs ystyq bolady - Qazgıdromet

  ASTANA. KAZINIFORM – «Qazgıdromet» RMK-sy maýsymnyń 11-i kúngi kún raıy boljamyn jarııalady.

Kásiporynnyń derekterine qaraǵanda, antıtsıklonnyń yqpalymen Qazaqstannyń shyǵysynda kún jaýyn-shashynsyz bolady.

Elimizdiń qalǵan bóliginde tsıklon jáne onymen baılanysty atmosferalyq frontaldy bólikter yqpa etip, jańbyr jaýady, naızaǵaı oınaıdy, jel kúsheıedi. Elimizdiń ońtústiginde shańdy daýyl turady, respýblıkanyń ońtústik-batysynda túnde jáne tańerteń tuman túsedi.

Almaty, Qaraǵandy, Ulytaý, Jetisý, Abaı oblystarynda, Batys Qazaqstan oblysynyń soltústiginde, Pavlodar oblysynyń batysynda, ońtústiginde, Aqtóbe oblysynyń ortalyǵynda, Jambyl oblysynyń shyǵysynda, Mańǵystaý oblysynyń soltústik-batysynda, ońtústik-shyǵysynda, ortalyǵynda, Aqmola oblysynyń ońtústiginde, Soltústik Qazaqstan oblysynyń batysynda, soltústiginde, Qostanaı oblysynyń soltústik-batysynda, ońtústik-shyǵysynda, ortalyǵynda, Shyǵys Qazaqstan oblysynyń ońtústik jartysynda joǵary órt qaýpi bar.

Qyzylorda, Jambyl, Túrkistan oblystarynda, Atyraý oblysynyń soltústik-batysynda, shyǵysynda, ortalyǵynda, Aqtóbe oblysynyń batysynda, soltústiginde, ońtústiginde, ońtústik-shyǵysynda, Almaty oblysynyń batysynda, soltústiginde, Mańǵystaý oblysynyń soltústiginde, shyǵysynda, Qostanaı, Batys Qazaqstan jáne Ulytaý oblystarynyń ońtústiginde, Qaraǵandy oblysynyń batysynda, Abaı oblysynyń ońtústiginde, ońtústik-batysynda, Jetisý oblysynyń soltústiginde, shyǵysynda tótenshe órt qaýpi saqtalady.

Kúndiz Almaty, Jetisý, Batys Qazaqstan, Atyraý oblystarynda, Abaı oblysynyń ońtústiginde 35-37 gradýs aptap ystyq bolady.

Osyǵan deıin habarlaǵanymyzdaı, Qazaqstannyń iri qalalarynda túnde ekspress-marshrýttar qatynaýy múmkin.