Búgin bes qalada jaısyz meteorologııalyq jaǵdaı qalyptasady

Búgin Qazaqstannyń bes qalasynda jaısyz meteorologııalyq jaǵdaı qalyptasyp, aýa lastanady, dep habarlaıdy Kazinform «Qazgıdromet» RMK-na silteme jasap.

«2023 jylǵy 14 jeltoqsanda Astana, Almaty, Óskemen, Semeı, Rıdder qalalarynda aýanyń lastanýynyń qolaısyz meteorologııalyq jaǵdaılary kútiledi»,-delingen habarlamada.

Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.