Búgin bes qalada aýa sapasynyń nasharlaıtyny belgili boldy

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.

«2 naýryzda aýa lastanýynyń qolaısyz meteorologııalyq jaǵdaılary Qaraǵandy, Jezqazǵan, Balqash, Temirtaý, Atyraý qalalarynda kútiledi», delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, Almatyda aqpan aıynda 600-den astam avtokólik ekologııalyq normany buzǵan.

Al Óskemende eki kún qatarynan aýa lastanyp turdy.