Búgin bes qalada aýa sapasy nasharlaıdy

ASTANA. KAZINFORM -  22 naýryzda elimizdiń basym bóliginde qolaıly meteorologııalyq jaǵdaı saqtalady. Bul týraly «Qazgıdromet» RMK málimdedi.

Sınoptıkterdiń boljamy boıynsha, tek Astana, Pavlodar, Qaraǵandy, Atyraý, Aqtóbe qalalarynda aýa sapasy birshama nasharlaıdy.

Qolaısyz meteorologııalyq jaǵdaı – atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.