Búgin batystyń eki qalasynda aýa sapasy nasharlaıdy
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
— 29 qyrkúıekte Almaty, Óskemen jáne Aqtóbe qalalarynda, sondaı-aq túnde Atyraý, Petropavl jáne Kókshetaý qalalarynda qolaısyz meteorologııalyq jaǵdaılar kútiledi, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, Almatyda 2040 jylǵa deıin ekologııaǵa áser etetin 276 kásiporyn qaladan shyǵarylady.
Buǵan deıin Jańaózendegi gaz óńdeý zaýytyna ekologııalyq talaptardy buzǵany úshin aıyppul salyndy. Sondaı-aq Atyraýda ekologııalyq tekseristi paramen sheshpek bolǵan basshy 270 mln teńge aıyppul arqalady.
