Búgin batystaǵy eki qalada aýa sapasy nasharlaıdy
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
— 22 shildede Aqtóbe, túnde Atyraý qalalarynda qolaısyz meteorologııalyq jaǵdaılar kútiledi, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, buǵan deıin Atyraýda aýadaǵy kúkirtsýteginiń mólsheri normadan 10 ese asyp ketkeni týraly habarladyq.
Sondaı-aq Almatyda jylytý maýsymy aıaqtalsa da, aýa sapasy nege jaqsarmaı turǵanyn jazǵan bolatynbyz.
