Búgin batystaǵy eki qalada aýa sapasy nasharlaıdy
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
— 23 tamyzda Aqtóbe qalasynda, túnde Atyraý qalasynda qolaısyz meteorologııalyq jaǵdaılar kútiledi, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, Atyraýda ekologııa talaptaryn buzǵandarǵa 2,4 mlrd teńge aıyppul salyndy.
Al Túrkistan oblysynda jylyjaı sany artqan saıyn olardan shyǵatyn tútin men atmosferanyń lastanýyna qatysty turǵyndardyń shaǵymy da jıilep keledi.
