Búgin batys, shyǵys jáne soltústiktegi qalalarda aýa sapasy tómendeıdi
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
— 21 qyrkúıekte Pavlodar, Atyraý, Aqtóbe, Astana qalalarynda, túnde Petropavl, Qostanaı, Kókshetaý, Óskemen, Semeı qalalarynda qolaısyz meteorologııalyq jaǵdaılar kútiledi, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, Jańaózendegi gaz óńdeý zaýytyna ekologııalyq talaptardy buzǵany úshin aıyppul salyndy.
Sondaı-aq Qaraǵandy oblysynda jyl basynan beri júrgizilgen ekologııalyq baqylaý sharalarynyń nátıjesinde júzdegen zań buzýshylyq anyqtaldy.
Buǵan deıin Almatyda tekserilgen ár tórtinshi kólik ekologııalyq normaǵa sáıkes kelmeıtini týraly jazǵan bolatynbyz.
