Búgin batys pen ortalyq óńirlerdiń aýa sapasy tómendeıdi
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
— 2026 jylǵy 31 qazanda Jezqazǵan, Balqash, Oral, Aqtóbe, Shymkent, Almaty, túnde Qaraǵandy, Temirtaý, Atyraý, Astana qalalarynda atmosferada lastaýshy zattardyń jınalýyna yqpal etetin meteorologııalyq jaǵdaılar kútiledi, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, Ekibastuzda ekologııalyq talaptardy buzǵan kásiporyn 70 mln teńgege jýyq aıyppul tóledi.
Sondaı-aq ShQO-daǵy Novo-Berezov ken ornynda ekologııalyq zańbuzýshylyqtar anyqtaldy.
Al Qaraǵandy oblysynda aýaǵa 293,7 myń tonna zııandy zat taraǵan.
