Búgin batys pen ortalyq Qazaqstannyń keı qalalarynda aýa sapasy nasharlaıdy
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
— 10 qazanda qolaısyz meteorologııalyq jaǵdaılar Almaty, Astana, Atyraý, Aqtóbe, Temirtaý, Qaraǵandy qalalarynda, túnde Jezqazǵan qalasynda kútiledi, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Buǵan deıin 10 qazan kúni birneshe óńirde tuman túsip, órt qaýpi kúsheıetini týraly jazǵan bolatynbyz.
Aıta keteıik, Atyraý munaı óńdeý zaýytynda ekologııalyq zań buzý anyqtaldy.
Al Almatyda 2040 jylǵa deıin ekologııaǵa áser etetin 276 kásiporyn qaladan shyǵarylady.
