Búgin batys óńirlerde aptap ystyq bolady
ASTANA. KAZINFORM — «Qazgıdromet» boljamyna sáıkes, 6 shildede el aýmaǵynda aýa raıy turaqsyz bolady.
El aýmaǵynan atmosferalyq fronttardyń ótýine baılanysty turaqsyz aýa-raıy saqtalady. Naızaǵaı oınap, jańbyr, keı jerlerde burshaq jaýýy múmkin. Eldiń soltústigi men shyǵysynda qatty jel turyp, soltústiginde, shyǵysynda jáne ortalyq aımaqtarynda jańbyr jaýýy yqtımal.
Respýblıkanyń ońtústik-batysy men soltústik-batysynda jaýyn-shashynsyz aýa raıy kútiledi. Qazaqstannyń barlyq aýmaǵynda jel kúsheıedi, respýblıkanyń soltústiginde, shyǵysynda, ońtústik-batysynda túnde jáne tańerteń tuman bolady.
Mańǵystaý, Atyraý, Aqtóbe, Batys Qazaqstan jáne Ulytaý oblystarynda kúndiz 35-40 gradýs qatty ystyq boljanǵan.
Aıta keteıik, búgin elimizdiń 9 qalasynda aýa sapasy tómendeıdi.
