«Barys» elordada «Neftehımık» komandasymen kezdesedi

ASTANA. KAZINFORM - Qazaqstandyq «Barys» komandasy búgin, 3 qarashada Qurlyqtyq hokkeı lıgasyndaǵy kezekti oıynyn elordada Reseıdiń «Neftehımık» (Nıjnekamsk) komandasyna qarsy ótkizedi.

Oıyn elorda ýaqytymen 17:10-de bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 46 márte kezdesken. Onyń 26-y elordalyq klýbtyń basymdyǵymen aıaqtalsa, qalǵan oıynda reseılik komanda jeńiske jetken.

Keıingi alty kezdesýdiń tórteýinde qazaqstandyq klýb atalǵan qarsylasyna ese jiberdi.

Endi qazaqstandyq komanda budan keıingi eki oıynyn elordada ótkizedi. Aldymen 5 qarashada reseılik «Ak Bars» (Qazan) komandasymen oınasa, odan keıin 7 qarashada «Avtomobılıst» (Ekaterınbýrg) klýbymen sheberlik baıqasady. 

Eske salsaq, qaqpashy Andreı Shýtov «Barys» komandasyna qaıta oraldy.

Sondaı-aq elordalyq klýb Qatarynan eki jeńisten keıin «Barys» komandasy «Kýnlýn Red Starǵa» ese jiberdi.