Búgin «Barys» elordada «Avtomobılıst» komandasymen kezdesedi

ASTANA. KAZINFORM — Qazaqstandyq «Barys» komandasy búgin Qurlyqtyq hokkeı lıgasyndaǵy kezekti oıynyn Reseıdiń «Avtomobılıst» (Ekaterınbýrg) komandasyna qarsy ótkizedi.

Oıyn elorda ýaqytymen 14:50–de bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 64 márte kezdesken. Onyń 36-sy elordalyq klýbtyń basymdyǵymen aıaqtalsa, qalǵan oıynda reseılik komanda jeńiske jetken. 

Keıingi bes kezdesýdiń tórteýinde qazaqstandyq klýb atalǵan qarsylasyna jiberdi.

Qazir týrnır kestesinde «Barys» 23 upaımen 22-orynda tursa, «Avtomobılıst» 48 upaımen 12-orynda keledi.

Aıta ketsek, elordalyq klýb budan keıingi eki oıynyn syrt aıdynda ótkizedi. Aldymen 9 qańtarda Reseıde «Lada» (Tolıattı) klýbymen kezdesse, odan keıin 11 qańtarda «Ak Bars» (Qazan) komandasymen sheberlik baıqasady.

Eske salsaq, budan buryn «Barys» qatarynan jetinshi márte jeńildi.