Búgin Balqash, Aqtóbe, Almaty qalalarynda aýa sapasy nasharlaıdy

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.

«2026 jylǵy 19 aqpanda Balqash, Aqtóbe, Almaty qalalarynda aýanyń lastanýynyń qolaısyz meteorologııalyq jaǵdaılary kútiledi», delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, Almatydaǵy tekseris kezinde ár ekinshi kóliktiń ekologııalyq normany buzǵany anyqtaldy.

Al Óskemende aýaǵa taraǵan 3 zııandy zattyń mólsheri shekti deńgeıden asyp ketken.