Búgin – Baqylaý-ólsheý aspaptary men avtomatıka salasy jumyskerleri kúni
ASTANA. KAZINFORM — Baqylaý-ólsheý aspaptary men avtomatıka salasy jumyskerleri kúni qyrkúıektiń ekinshi jeksenbisinde atap ótiledi. Ataýly kún kásibı merekeler tizbesine bıyl qosyldy.
Servıs ınjenerleriniń, retteýshilerdiń, operatorlardyń eńbegi ónerkásip pen energetıkadan bastap, turǵyn úı-kommýnaldyq sharýashylyq pen qalalyq ınfraqurylymǵa deıingi kóptegen saladaǵy aspaptardyń jumysynyńyń dáldigin, senimdiligin jáne tıimdiligin qamtamasyz etedi.
Zamanaýı sheshimderdi engizý jáne úderisti baqylaý – sala mamandarynyń el damýyna qosqan úlesin strategııalyq turǵydan mańyzdy etedi.
Eske sala keteıik, buǵan deıin bıyldan bastap 29 qazan resmı túrde kásibı mereke— Qazaqstan kásipkerleri kúni bolyp belgilengenin jazǵan edik. Eńbek jáne halyqty áleýmettik qorǵaý mınıstrliginiń tıisti buıryǵyna 2025 jylǵy 30 shildede qol qoıyldy. Bul týraly Ekonomıka mınıstrliginiń baspasóz qyzmeti habarlaǵan bolatyn.