Búgin Azııa oıyndarynyń jabylý saltanaty ótedi

Búgin Qytaıdyń Hanchjoý qalasynda ótip jatqan Azııa oıyndarynyń jabylý saltanaty ótedi, dep habarlaıdy QazAqparat tilshisi.

Azııa oıyndarynyń jabylý saltanaty elorda ýaqytymen 18.00-ge belgilengen.

Dúbirli doda bıyl 23 qyrkúıek pen 8 qazan aralyǵynda ótti.

Saıystar 51 jarys alańynda ótkizildi. Bul maqsatta 14 jańa keshen salyndy. Kóptegen sport túrinen jarysty Hanchjoý qabyldady. Al keıbir jarystar Detsın, Tszınhýa, Nınbo, Shaosın men Venchjoý syndy shaǵyn qalalarda boldy.

Dúbirli dodada Azııa Olımpıada keńesi (AOK) quramyndaǵy 45 elden 12 500-den astam sportshy kelgenin atap ótti. Bul - rekordtyq kórsetkish. 2018 jyly Indonezııada ótken Azıadada 11 300 adam tirkelip, jańa rekordtyq kórsetkish ornaǵan edi.

Jazǵy Azııa oıyndarynda 8 sport túrinen Parıj Olımpıadasyna joldama berildi. Básekede 40 sport túrinen júldeler sarapqa salyndy.

Qazirge deıin el quramasy 79-medal (10 altyn, 21 kúmis, 48 qola) aldy.  

Qazaqstandyq sportshylar bıyl segizinshi márte Azııa oıyndaryna qatysyp otyr. Buǵan deıin jalpy komandalyq esepte - 4 (77 medal: 25 altyn, 26 kúmis, 26 qola), 1998 jyly - 5 (78 medal: 24 altyn, 24 kúmis, 30 qola), 2002 jyly - 4 (76 medal: 20 altyn, 26 kúmis, 30 qola), 2006 jyly - 4 (85 medal: 23 altyn, 20 kúmis, 42 qola), 2010 jyly - 5 (79 medal: 18 altyn, 23 kúmis, 38 qola), 2014 jyly - 4 (84 medal: 28 altyn, 23 kúmis, 33 qola), 2018 jyly - 9 (76 medal: 15 altyn, 17 kúmis, 44 qola) oryn aldy.

Aıta keteıik, karateshi qyz Móldir Jańbyrbaı búgin Azııa oıyndarynyń kúmis júldesin jeńip aldy

Endi 2026 jylǵy Azııa oıyndary Japonııanyń Nagoıa qalasynda ótkiziledi.