Búgin Azııa oıyndarynda 35 medal sarapqa salynady

28 qyrkúıekte sporttyń 11 túri boıynsha 35 medal jıyntyǵy sarapqa salynady. Atap aıtsaq, sporttyq gımnastıka, jaǵajaı voleıboly, velosport, kıbersport, semserlesý, oq atý, taekvondo, ýshý, júzý men basqa da sport túrleri, dep habarlaıdy QazAqparat tilshisi. 

Qazaqstandyq sportshylar Dmıtrıı ıAkovlev pen Sergeı Bogatý jaǵajaı voleıbolynan «qolaǵa» talasady. Olar Iran quramasyna qarsy oınaıdy.

Sondaı-aq áıelder (qoldy tirep sekirý, túrli bıiktikti qossyryq) men erler (erkin jattyǵýlar, at, shyǵyrshyq) arasynda sporttyq gımnastıka boıynsha fınal oıyndary ótedi. Olarǵa Narıman Qurbanov, Darıa ıAsınskaıa men Aıda Baýyrjanova qatysady.

Qylyshpen semserlesýden Qazaqstannyń erler quramasy komandalyq týrnırde baq synaıdy. Komanda quramy: Nazarbaı Sattarhan, Janat Nabıev, Artem Sarkısıan jáne Muhamedálı Rahmanalı.

Beısenbide júzý boıynsha jeti medal oınatylady: áıelder arasynda 50 metr qashyqtyqqa erkin júzý, erler arasynda 50 metrge batterflıaı ádisimen, áıelder arasynda 200 metrge brass ádisimen, erlerde 200 metrge brass, 800 metrge erkin stılmen júzý, áıelder men erler arasynda erkin stıl boıynsha 4×100 estafetasy. Qazaqstannyń namysyn Ádilbek Mýsın, Arsen Qojahmetov, Sofıa Spodarenko qorǵaıdy.

Bul jarys kúninde oq atý boıynsha bes medal jıyny sarapqa salynady. Qazaqstandyqtar týrnırge qatysady.

28 qyrkúıek tańerteńgi jaǵdaı boıynsha, Qazaqstan 13 medalmen 12-orynda tur (1 altyn, 2 kúmis jáne 10 qola).

Absolıýt kóshbasshy burynǵysha Qytaı – 140 (76 - 43 - 21). Ekinshi orynda Ońtústik Koreıa – 70 (19 -18 - 33). Úshinshi qatarǵa Japonııa ornalasqan – 66 (15 - 27 - 24).