Búgin aýa sapasy nasharlaıtyn qalalar sany kúrt kóbeıdi
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
— 17 qyrkúıekte Qaraǵandy, Jezqazǵan, Temirtaý, Almaty qalalarynda, túnde Óskemen, Semeı, Atyraý, Astana qalalarynda qolaısyz meteorologııalyq jaǵdaı kútiledi, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, Atyraýda aýa sapasynyń nasharlaýyna áser etetin negizgi faktorlar ataldy.
Al Óskemen qalasynda aýaǵa taraǵan úsh zııandy zattyń mólsheri shekti deńgeıden asyp ketkeni anyqtaldy.
Shyǵys Qazaqstan oblysynda ekologııalyq zańnama talaptaryn buzǵan ákimder jaýapqa tartyldy. Sondaı-aq Qaraǵandy oblysynda ekologııalyq zań buzýshylyqtarǵa 57 mln teńgeden astam aıyppul salyndy.
